სკოლის დირექტორის ეკა კვაჭანტირაძის მიმართვა

მუდმივი ძიების, დახვეწისა და განვითარების თვალსაზრისით, ბიჯიესი ერთ-ერთი ყველაზე წარმატებული სკოლის სახელით სარგებლობს ქართულ და საერთაშორისო საგანმანათლებლო სივრცეში. ამას კურსდამთავრებულთა ჩარიცხვებიც ადასტურებს ბრიტანეთის, კონტინენტური ევროპის, აშშ-ს წამყვანი უმაღლეს სასწავლებლებში და საქართველოს საუკეთესო უნივერსიტეტებში.

სკოლის ორენოვანი (ქართული და ინგლისური) სასწავლო პროგრამა სავსებით მისაღებია მოსწავლეთა მრავალეროვანი კონტიგენტისათვის.
სკოლა ეროვნული და ბრიტანული საერთაშორისო პროგრამების შეჯერებისა და უნივერსალიზაციის გზით ხარისხიან და მაღალაკადემიურ განათლებას აძლევს მოსწავლეებს. შესაბამისად ბიჯიესი ერთდროულად ორი ატესტატით (ეროვნული და საერთაშორისო) უზრუნველყოფს საკუთარ მოსწავლეებს.
ბიჯიესი ახორციელებს მოსწავლეთა მომზადებას როგორც საერთაშორისო დაწყებითი (iPrimary) და საატესტატო (GCSE/IGCSE) გამოცდებისათვის, ისე საუნივერსიტეტო მისაღები გამოცდებისათვის (A-Level), რომლებიც ვალიდურია მსოფლიოს წამყვან უნივერსიტეტებში ჩასარიცხად და ადგილობრივად, სკოლაშივე არსებულ საგამოცდო ცენტრში ბარდება.
უცხოენოვანი მოსწავლეებისათვის დაწყებით საფეხურზე გვაქვს მოდიფიცირებული პროგრამა ქართულ ენობრივ გარემოსთან ადაპტირებისა და ბრიტანული პროგრამის წარმატებით დაძლევისათვის.
ბიჯიესი სთავაზობს მოსწავლეებს თანამედროვე ინოვაციური სწავლების მეთოდებს, რითაც სასწავლო პროცესი საინტერესო და სახალისო ხდება.
ბიჯიესი მოზარდთა სწორი ფასეულობათა სისტემის ჩამოყალიბებისა და სააზროვნო უნარების დახვეწისთვის სხვადასხვა პროექტს ახორციელებს (შემოქმედებითი წერა, დიალოგები, ღრმა აზროვნების კლუბი), რაც მოზღვავებული ინფორმაციის პირობებში ორიენტირის ფუნქციას ასრულებს.
ბიჯიესი ქალაქის ცენტრში, საბურთალოს რაიონში მდებარეობს, მაგრამ ამავდროულად ჩვენი დედაქალაქის ხმაურიანი მოძრაობიდან მოშორებული, ტყის მასივით შემოსაზღვრული ერთგვარი ეკო კუნძულია.
ამრიგად, ბიჯიესის არჩევით თქვენი შვილების გარანტირებულად წარმატებულ მომავალსა და სწორ ღირებულებით ორიენტირებს უზრუნველყოფთ.
მობრძანდით და თავად დარწმუნდით!!!